珺

营业中

休息中

今日返完part time，夜晚同男朋友去食素食。呢间素食同我想像中既好唔同，行精致路线，系高级既新派素食。蘑菇汤好浓郁，作为第一道菜十分适合。素芝士番茄配黑醋珍珠一层番茄一层素芝士，番茄新鲜，素芝士食落唔似系素，同真芝士无分别。黄金素鹅肝球佐松露白汁好脆口，外面包住面包糠，入面包住用菇类同豆类制成既蓉，配以松露白汁，十分美味。黑金狮子球薯蓉时令蔬菜有惊喜，狮子球既味道真系好似食紧肉甘，好香口，薯蓉又绵滑，好食。君子炒饭材料丰富，除咗饭，仲有藜麦、素叉烧、粟米、蔬菜、夏威夷果仁。素叉烧好出色，用豆类同面粉制成，同真叉烧十分相似。炒饭粒粒分别又干身，唔太油腻，好味。生磨莲子露味道清甜，莲子唔会苦涩，正。纯素朱古力蛋糕无蛋无奶，但同平时食既唔太大分别，朱古力味仲好浓郁添。