影片
更多
2025-01-02
261 浏览
依家出街食饭贵，食素更加贵，估唔到新蒲岗有间价钱相当得宜嘅素食餐厅素食工房嘅模式类似双𩠌饭店，可以自选两或三𩠌，再配上一个主食同汤或饮品，餐牌选择颇多，配菜有5款冷盘、10几款热𩠌，主食除咗白饭之外亦可以加钱转红米、乌冬等等，仲有得加购4种小食组合，选择困难表示睇咗好耐menu先落到单😆我几欣赏佢嘅𩠌唔同传统斋舖，呢度冇乜素扮肉，以原形食物为主，食都食得健康啲👍最后我拣咗三𩠌冷盘贡菜海鲜菇、热盘干煸福花、麻婆豆腐，白饭转炒粉丝，同埋跟餐靓汤，再加多个小食(共$68)汤系虫草花粟米素汤，我自己几钟意饮素汤，冇咗肉嘅油润感，饮落喉咙好舒服😌本身我以为双𩠌同三𩠌都系menu张图咁用同一只长碟装，份量一样，点知嚟到枱面系分开3碟份量劲多😂我嗌𠮶阵冇为意，原来自己拣咗3个都系有辣嘅𩠌，虽然都系辣但系3个𩠌嘅味道都唔同，并唔系一个调味打天下，可见餐厅嘅用心之处不过有一点奇怪嘅系，我转嘅呢个炒粉丝，无论外表定食落都系粥舖嘅炒米粉😂唔知系我唔好彩粉丝冇货定炒粉丝就系炒米粉，如果唔钟意食米粉就唔好嗌呢个喇🙂↔️唔嗌小食都好够饱，但系我贪得意又想试下，相对之下小食都系冇咁健康嘅煎炸嘢，我自以为拣咗个健康啲
素食工房嘅模式类似双𩠌饭店，可以自选两或三𩠌，再配上一个主食同汤或饮品，餐牌选择颇多，配菜有5款冷盘、10几款热𩠌，主食除咗白饭之外亦可以加钱转红米、乌冬等等，仲有得加购4种小食组合，选择困难表示睇咗好耐menu先落到单😆我几欣赏佢嘅𩠌唔同传统斋舖，呢度冇乜素扮肉，以原形食物为主，食都食得健康啲👍
最后我拣咗三𩠌冷盘贡菜海鲜菇、热盘干煸福花、麻婆豆腐，白饭转炒粉丝，同埋跟餐靓汤，再加多个小食(共$68)
汤系虫草花粟米素汤，我自己几钟意饮素汤，冇咗肉嘅油润感，饮落喉咙好舒服😌
本身我以为双𩠌同三𩠌都系menu张图咁用同一只长碟装，份量一样，点知嚟到枱面系分开3碟份量劲多😂我嗌𠮶阵冇为意，原来自己拣咗3个都系有辣嘅𩠌，虽然都系辣但系3个𩠌嘅味道都唔同，并唔系一个调味打天下，可见餐厅嘅用心之处
不过有一点奇怪嘅系，我转嘅呢个炒粉丝，无论外表定食落都系粥舖嘅炒米粉😂唔知系我唔好彩粉丝冇货定炒粉丝就系炒米粉，如果唔钟意食米粉就唔好嗌呢个喇🙂↔️
唔嗌小食都好够饱，但系我贪得意又想试下，相对之下小食都系冇咁健康嘅煎炸嘢，我自以为拣咗个健康啲嘅其实并没有😂3个小食入面最钟意个炸狮子头！内里用豆腐、蛋同杂菜碎代替猪肉，虽然唔系传统狮子头扎实嘅肉感，但系外脆内软，配埋酸甜嘅咕噜汁都好好食😋
素食工房应该系一间几新嘅餐厅，舖内光猛干净，座位有一兰式单人位、双人卡位同四人卡位，无论系自己一个定一家大细嚟食都冇问题🥰
张贴
