Green Tech Cafe (已結業)

今次去左西环一间无五辛素食餐厅，同朋友食晚饭。餐牌上面好多正野，有汉堡，薄饼，意粉，真系同去西餐厅无咩分别。首先，南瓜汤系好易入口，南瓜味浓郁。之后我地叫左个经典未来汉堡配薯条，剩系个名都够特别，呢个汉堡食落同用牛肉整嘅汉堡无乜分别，因为佢地用左beyond meat，质感同味道可以话系还原度极高，我可以讲食呢个汉堡可以取代我平时食个啲。薯条够热，香脆可口，正。另外，仲有意式三重纯素芝士薄饼，芝士味浓，食完没罪恶感，成件事好健康。饮品我地仲拣左苹果羽衣甘蓝西芹杏仁奶同埋焦糖咖啡，好饮。