影片
更多
2024-09-05
146 浏览
每次经过重庆大厦，楼下都好多人派VIP卡，深感荣幸😂而且啲哥哥仔，都好热情，系咁拉你去自己间餐厅。不过今次我哋系有目标嘅，因为我哋系想食素菜，知道印度嘢好多素菜都好出色，所以揾咗一间素食。间嘢其实好容易揾，喺重庆大厦一入去有条垂直楼梯行上去一楼转左手边就系啦，侍应非常热情。我哋嗌咗几样嘢，买单都唔使$300重点系食唔晒。印度球球呢个系每次睇社交平台印度嘢食片都会有介绍嘅，佢有两款嘅，我哋今次试咗有乳酪𠮶只先，餐牌几好㖞，有中文。叫做乳酪炸米饼粒。个球球好松化，入边塞咗满满嘅乳酪仲有石榴做点缀，成件事好味㖞。原味煎饼跟住我哋见到隔篱枱食咗个好长嘅煎饼，觉得几得意，我哋都嗌咗个。Plain Dosa，佢配咗马莎拉汁同埋应该系鹰嘴豆酱。个煎饼入边仲包咗薯仔。咸咸地又脆脆地，啲薯仔同啲汁好夹，所以会不停搣黎食。炸素菜咖喱角呢个系平时就算经过楼下都想买嚟食嘅samosa ，炸到好松脆，入边包住薯仔蓉同埋一啲杂菜。热辣辣，一份有三只，食一只都已经好饱。🫶🏻茄汁牛油烩芝士其实系有少少Butter Chicken嘅味道，我哋原先谂住配煎饼都应该够，但系真系太香口，入边啲芝士好软熟，配上个汁，我哋嗌多咗
间嘢其实好容易揾，喺重庆大厦一入去有条垂直楼梯行上去一楼转左手边就系啦，侍应非常热情。我哋嗌咗几样嘢，买单都唔使$300重点系食唔晒。
印度球球
呢个系每次睇社交平台印度嘢食片都会有介绍嘅，佢有两款嘅，我哋今次试咗有乳酪𠮶只先，餐牌几好㖞，有中文。叫做乳酪炸米饼粒。个球球好松化，入边塞咗满满嘅乳酪仲有石榴做点缀，成件事好味㖞。
原味煎饼
跟住我哋见到隔篱枱食咗个好长嘅煎饼，觉得几得意，我哋都嗌咗个。Plain Dosa，佢配咗马莎拉汁同埋应该系鹰嘴豆酱。个煎饼入边仲包咗薯仔。咸咸地又脆脆地，啲薯仔同啲汁好夹，所以会不停搣黎食。
炸素菜咖喱角
呢个系平时就算经过楼下都想买嚟食嘅samosa ，炸到好松脆，入边包住薯仔蓉同埋一啲杂菜。热辣辣，一份有三只，食一只都已经好饱。🫶🏻
茄汁牛油烩芝士
其实系有少少Butter Chicken嘅味道，我哋原先谂住配煎饼都应该够，但系真系太香口，入边啲芝士好软熟，配上个汁，我哋嗌多咗个蒜蓉饼去𩠌。
另外仲嗌咗两杯嘢饮，一杯系Mango Lassi 同Salted Lassi ，如果唔系好接受到咸嘅乳酪，记得唔好嗌Salted，芒果乳酪一如既往都系好味同埋浓郁！
虽然餐厅冇豪华嘅装修，但系冷气系旧嘅，如果想食素菜嘅咖喱可以去试吓。
张贴
