2DP (已結業)

餐厅装修几靓，但位之间较逼，去果日遇上一位喜欢拉近人与人之间距离嘅店员，明明唔算多人，硬要安排人地坐喺只隔一条10CM GAP位嘅COUPLE隔离。幸好另一店员恩准我地可以坐返开少少嘅位置⋯始终性格较内向嘅我，未READY认识新朋友，暂时希望将注意力放喺嘢食方面先墨西哥脆片几好食，同doritos差唔多，除左价钱唔同。佢嘅纯素芝士酱几好味，虽然食唔出芝士味，但同脆片几夹。佢地加左D墨西哥辣椒，青色果D，好辣唔食得辣嘅朋友就无谓特别去挑战自己。沙嗲鸡肉串，沙嗲汁甜甜地几好味，但鸡肉嘅味道同口感都唔似鸡肉，食物亦唔系好够热。牛肝菌忌廉长通粉，芝士味好浓烈，长通粉味道唔错，但唔知点解都系佢地D热食都系暖暖地唔够热。