TRIBES

营业中

休息中

出左黎尖沙咀做事，搞掂后就梗系揾下野食，街舖全部都好多人等位，又热又晒，行过见有间叫Tribes嘅楼上舖，写住话食巴基斯坦菜，横掂想食素食，不如就试下佢。上到二楼，餐厅环境唔错㖞，装修靓冷气足，但就得一枱客，点解呢？坐低睇睇餐牌，研究一番后决定点一客Sabzi & Daal Corner同一份Naan，再来一杯餐饮就很丰富了。食物即叫即制，店员先送上一份沙律，是青瓜红萝卜配上青瓜乳酪酱，青新爽口，正好作开胃用。除后点的Palak paneer 也到了，就是菠菜蓉芝士，呢样系全素㗎。煮到熟烂的菠菜，再加上印式乳酪芝士，好味又营养丰富，同埋个压掉水份的乳酪芝士好感好正呢。Naan bread是意外地大块，烘得干身香脆，烟烟韧韧的好好咬，配上菠菜蓉好好味呀。最后就系饮品Masala chai pot，masala tea 好出名唔使讲啦，呢度用茶壶上，上枱时店员先倒茶，一壶大约有两杯份。红茶底加上香料药草等，香气十足，香味刺激味觉同嗅觉，好好饮呢。食物有水准，环境又靓，想试下巴基斯坦菜嘅好选择。