大自然素食

营业中

休息中

从来觉得香港不是一个素食者友善的地方，尤其价钱是十分不友善，在一般选择少用料不精冇乜创意的情况下亦够胆收一个中上上的价钱！都是去台湾好！这店正价也是吓一跳，闲闲地成百蚊碟菜，我以为用有机。Sorry 冇机啦。但平日午市套餐价却出奇地贴地，只是四五十蚊快餐价加一茶钱咁，忽然变身成素食大家乐，是吃个vegan fast lunch 好地方。叫左一个干炒牛河，炒得比好多真牛河还香，有镬气，而假牛肉 讽刺地比很多雪藏牛肉有味， 有种素咸鱼的咸鲜味， 真系食素好过食肉。另一个系煲仔饭， 大大煲， 完全冇谂过， 素食煲仔饭味道一啲都唔寡， 真系有煲仔饭嘅风味。 如果有饭焦更好。再来是扬州炒饭， 不过不失，虽然冇乜材料炒，但假叉烧的味吊起成个饭， 几好食， 假肉万岁！所有套餐都送炖汤， 牛蒡红萝卜粟米加杂豆， 饮起味道清甜， 冇肉却有豆补底，汤起沙，饮起上嚟口感一样厚身， 但一啲都唔肥腻， 十分健康。素食午餐平平哋值得推介， 但留意初一十五号冇呢支歌仔唱。