Green Common (將軍澳中心) (已結業)

近年食素嘅人越嚟越多， 就连将军澳呢一个饮食沙漠都终于开咗一间素食店，虽然价钱比较贵，但起码都为食素嘅人提供多一个选择。每个套餐都可以加18蚊，选择要汤定系要沙律，我拣咗要沙律。呢个沙律睇落都几丰富，几大个，材料都几多，有火箭菜 生菜之外，亦都有番茄萝卜 等， 颜色上都好丰富，再加上黑醋汁，非常开胃。 另外呢一个系 黑椒汁配炸菇菌意粉，因为炸完啲菇嘅质地，就吸晒啲酱汁，食落好似肉咁，所以 都几惹味，尤其是啱啲初初尝试食素嘅人，就好似我呢种嘅食肉怪咁。而呢一个系佢哋新出嘅小食，系一个素牛柳粒嚟嘅， 配上芝麻葱花同埋一啲烧汁 ，感觉唔太似食素，因为系一啲豆类制品，同埋啲酱汁咁 ，但系又唔会好似食肉咁 ，个感觉几特别。今餐饭嘅主角就系佢，素嘅海南鸡饭，望落去都几以假乱真假，尤其是个黄姜饭非常之香， 拍得住平时食海南鸡嘅油饭。不过素鸡就唔算好似肉啦，因为佢冇汁嘅关系 ，个样就真系几似鸡嘅 ，不过食落口就比较淡，建议点埋佢嘅辣酱，或者黑酱油，捞埋啲饭一齐食，咁会比较好。