悠蔬食 (渣甸中心) (已結業)

一直以为素食唔系冇味，就系整色整水扮肉，但系今日朋友带我黎铜锣湾悠蔬食，就令我完全改观。店内用上蓝色作主调，让人感觉十分舒服。一坐低，店员就立即黎斟暖水，仲好细心咁提我地小心热，D水系柠檬水黎，有清香既柠檬味。我地每人叫咗一set，首先会上三款前菜。日式藜麦野菜松子薯球外表精致，好似日式饭团咁成球状，有D紫菜系面，薯蓉混入营养价值高既藜麦同埋松子，十分健康。第二款前菜系草莓鲜果香芋沙律伴杏仁脆片，好少见呢个配搭既沙律，酸酸甜甜咁又好开胃㖞。第三款前菜系卤水花菇毛豆百页豆腐伴琥珀合桃，花菇同埋百页豆腐充满卤水汁既味道，毛豆添上点点清新，再配上香脆既琥珀合桃，味道唔错。手卷方面，我拣咗香芒牛油果苜蓿芽手卷。手卷唔系用紫菜包住普通饭粒，而系包住苜蓿芽、芒果同埋牛油果，味道清新好味。朋友拣咗芦笋素香松苜蓿芽手卷，同样赞不绝口。另外值得一提既系，店员上手卷既时候，会细心咁建议先享用手卷，避免紫菜淋咗，影响香脆既口感。牛肝菌桃胶忌廉浓汤：有别于平时系餐厅饮到既忌廉汤，每一啖都有好香既牛肝菌味，仲有具美颜功效既桃胶，真系体会到系用心预备既。虫草花椰子黄耳竹笙炖汤︰呢个中式炖汤用料十足，十分滋补，饮落