素味牽 (已結業)

深水埗咁多野食，黎呢区揾食真系岩晒今次又想食下素菜，一上网查深水埗素菜就查到素味牵闲日晚饭时间黎食都差唔多坐满 𩠌菜款式都算多 ＄４３晚餐一个𩠌一个饭一个汤 仲可以加一次白饭  加＄５就可以有埋个菜食 仲可以系边度揾到今日餐汤系南瓜汤 我地最后拣左回窝肉，麻辣萝卜牛腩，咕噜肉同新彊炒羊肉，另外仲加左一份菜汤碗同碟都比传统素菜舖得意，食得更开心南瓜汤无渣，系比较粉ge个款南瓜，我钟意粉ge南瓜，南瓜味浓，汤清甜，估唔到跟餐ge汤都会咁高质素四款𩠌中我最钟意咕噜肉，佢唔似一般素菜舖ge咕噜肉，素肉系无炸过，但调味一流，唔会太酸或者太甜其余三款都好味道，而且份量唔少，好抵食最惊喜系个白饭，软熟又带饭香，靓米！！！仲有叫埋小食，盐酥鸡同香菇小肉卷，跟餐分别系＄１０同＄８两款比较我钟意盐酥鸡多啲，香菇小肉卷质地较松散，但味道都唔错