樸生•素食 (已結業)

因为家人呢排爱上咗食素食养生，所以我哋间唔中都会 觅寻下唔同嘅素食，今日我地就去左附近青衣城嘅朴生茹素一下😌餐厅系以半自助餐形式，一入到去店员会先畀你拣咗主食先，而餐厅分界咗2个area，中间有个自助吧，可以DIY紫菜拌饭、韩式年糕，仲有沙律同甜品~食物选择都算几多元化👏🏻主食我地嗌左素芝士汉堡、素菜芝士白灵菇扒同素芝士荷兰大蘑菇铁锅饭。 份量估唔到都几大份，而且味道都唔错，调味得当，感觉一啲都唔似食紧素食，我哋一家食完都已经有七八成饱😂不过都系坚持要试下出面唔同嘅韩式素食😎沙律菜都几新鲜~食落清甜爽脆！而且仲有一啲特色嘅蔬菜同前菜，好似青瓜香蕉、 南瓜同紫薯沙律等~韩式部队锅就成日食，素菜嘅韩式部队锅又真系未试过！😂 年糕烟韧有咬口， 素肠仔同素餐肉虽然应该系用大豆做，但味道同口感都好似食紧肉制咁~ 加上个汤甜甜辣辣，食落好有韩式感觉👍🏻甜品嘅豆腐花食得几滑，而且可以配搭唔同嘅配料， 桃胶、鲜榨姜汁、亚麻籽、奇亚籽、芝麻汁，选择多，而且全部都好健康呀！😍价钱加一后大约系170蚊左右一个人，以食物嘅选择黎讲，算系合理价钱， 食厌左平时嘅中式素食，不妨试下呢个新派嘅韩式素食都唔错！