2DP (已結業)

去左尖沙咀食素，估唔到食素都有咁多选择，仲有好多甜品，主菜、小食、饮品等都一应俱全。仲有新年餐牌爆素过新年，有特色又有过节气氛。原只菠萝炒椰菜花饭椰菜花切粒代替饭，素肉碎好入味，鸡蛋切丝条条分明好有蛋香，素肉松好有咸香味捞埋一齐食口感丰富有层次，菠萝份量非常多，好清甜，半个菠萝都放满左，食完好饱肚。双层爆素牛肉巨无霸双层植物肉，肉质厚实真系好似真嘅汉堡，冇食开数嘅朋友食落都觉得味道好似，牛肉片用咗沙茶酱调味，素肉片相当软熟，连同芝士融化埋一齐，十分惹味。仲有新鲜蕃茄，同沙律菜。草莓牛乳有原粒士多啤梨喺入面，仲有好多士多啤梨酱同果蓉，牛乳味道浓郁，又唔会太甜，搅匀左变成杯粉红色打卡好靓。