一心素食 (已結業)

平时生日都大鱼大肉，今次谂住一齐食下素斋，一来平时真系好少食啦！环境方面冇乜要求， 食物方面又唔系特别话太突出， 相信如果想食素斋嘅必定有其他嘅选择。今次叫咗一个四人餐，但系四人餐嘅份量同我哋隔离枱二人餐嘅份量，基本上系一样。我哋见到之后，都非常后悔叫套餐，建议如果真系有四个人，不如嗌两个二人餐或者散叫唔同嘅嘢食，反而仲多嘢食同满足。食完四人餐之后，发现都唔够饱，仲要额外加多碟，原来发现散叫仲抵食，其实价钱都唔系贵，但系𠮶啲仲大大碟啲。如果大家想坐低倾下偈，相信时间就唔够啦！佢到几多点几就开始已经要埋单，咁都正常，但系我哋未食完就这就已经收走啲碗碟，我朋友见到仲问佢：咁我哋点食呀！ 个阿姐仲话：隔离有只碗干净嘅，用住先。真系激到爆，攞返只干净碗筷嚟都唔得，建议大家，如果谂仲可以坐下倾下偈，就千祈唔好嚟嘞！因为真系只系一个俾你食完就走嘅地方，想倾多两句 ，之后仲要揾地方坐低饮野，确实非常之唔尽兴。4人份量，啱啱好，每人有２碗呢个云吞较为出色，因为底下有啲紫菜，个汤又好好味。呢个咕噜肉就普普通通啦，因为呢就真系好少斋嘅肉，大部分都系一啲蔬菜喺度，味道方面，就比较酸，份量就当然唔够㗎啦！西兰