素菲亞 (安發大廈) (已結業)

呢几日食到好饱，所以就想同朋友试吓啲素食，想食得健康啲！去完西环影相之后我哋就揾咗呢一间又有得打卡，又有得食素嘅餐厅！最特别嘅系呢度啲款式，我系出面啲餐厅都冇见过，而且都唔油腻。首先我哋食咗一个黑松露豆腐配薯条，佢个黑松露豆腐炸到好似肉饼咁，黑松露个味都好出，配合埋豆腐嘅口感，会觉得自己好似食紧肉咁！而上面亦都有啲酸酸甜甜嘅配菜，令到个味道升咗一个层次！佢侧边嘅薯条同沙律都水准中上。至于另外一款红咖喱鱼黑糯米饭，真系好有惊喜！首先佢啲黑糯米饭煮得啱啱好，软身而且唔会觉得好滞！而佢啲汁系有少少中药味道，酸甜得来好少会食到呢个味道。鱼方面佢口感有啲似鲮鱼肉完全唔觉得自己食紧素咁🤩 除咗有得打卡之外，待应好有礼貌，环境都好舒服😌