齋啡 (已結業)

因为朋友食素，所以机缘巧合地揾到呢间餐厅，本身对素食既印象都系偏中式，同埋觉得唔太吸引，但系呢间餐厅野食就咁睇相已经觉得好靓，打卡一流，所以一于去试试！一入到去，见到餐厅一个侍应都无，仲怀疑紧究竟系未去错地方，之后先发现原来落单同用餐既位置隔左一个舖位，落单之后睇号码显示再去隔离攞餐，会有少少唔方便🙈我地两个人都嗌左期间限定既日式杂菜咖喱饭配植物猪柳，食落其实唔会觉得系素食，份量都几大，不过就偏咸，食唔到最后。😖另外，甜品就嗌左红丝绒纯素蛋糕，因为无奶同鸡蛋，所以质地比较硬身，但味道同非纯素既无咩分别，不过如果无咁甜就更加好啦😜而饮品芝麻latte就最有惊喜，满满芝麻味，又唔系太甜，饮完一杯都唔会好腻👍🏻总括黎讲，味道都唔错，素食人士可以有多个选择！p.s. 大家记得食完自助执返好啲餐具啊～