南小館Plus (已結業)

星期日，一家三口去南小馆食晚饭，好彩6点左右已嚟到，因为咁早已经FULL FULL地。之前响九龙湾分店食过，钟意佢都有几款素食选择，又可满足食肉兽老公。环境：装修雅致、非常宽敞、灯光柔和，三个字：好舒服﹗服务：见我哋有BB都即时主动提供BB椅，但条绑带就真系太污糟啦，BB一拿起手就放入口，我几惊佢肚痛。个侍应可能无咩整BB椅经验，条绑带整咗十分钟都搞唔掂，我本来有啲燥燥地，后来另一侍应帮我哋换过另一张，BB坐得舒服哂﹗ 都算佢地服务OK啦，前台仲几有礼貌。食物：拼盘：自选四款，老公拣一款鸡肉，我拣其余三款素，有黑木耳、马兰豆同烤麸。三款都好味，但分量略嫌细，我一个人都扫得哂。荠菜年糕：以为无肉，点知有猪肉丝，唯有拣开哂畀老公食。年糕几弹牙，调味适中，但餐牌加埋「肉丝」两只字就更加清晰。奶皇小笼包：个样唔靓，偏TAK TAK，但好好味㖞，皮唔会太厚，奶皇够多但唔觉滞。老公食正宗小笼包，我就KO哂成笼奶皇小笼包。总结：坐得舒服，服务唔错，食物好味，系会ENCORE嘅地方。但建议啲BB椅真系要清洁吓，实在太太太太污糟﹗