Miss Lee (已結業)

其实李好纯同公司实在有啲距离，加上天气越来越热行过去都几辛苦。但李好纯的确有佢既魅力令我想一尝再尝，结果克服左距离同酷热天气，又走左过黎食晏。上次食左三𩠌，今次唔系太饿，食两𩠌就够。Encore左个咕噜菠萝炒鲜竹粒，另一个𩠌同主食都系新尝试。松露野菌准山面有好香既松露味，而且仲落左好多菇菌，好足料。个面其实就唔系特别食到准山味，同普通面冇乜分别，胜在比平时就咁用面粉做既面有营养。咕噜菠萝炒鲜竹粒真系好好食，绝对值得encore。个甜酸酱做得好出色，用黎送饭就最啱。啲鲜竹粒够香口，又唔会好油腻。腰果小炒系一般家常菜，唔会有太大惊喜，啱啲钟意清清地口味既人。食饭期间听到隔离枱啲人都有倾下食素既好处，越嚟越多人食素，对动物同地球黎讲都系件好事。