Miss Lee (已結業)

威灵顿街食肆林立，素食店都有两间(MANA同心斋)，依家仲多左李好纯。如果要形容依度既set lunch，我会话佢系高级三𩠌饭。普通既家常菜用啲靓靓既碟上菜就将家常菜升华左去一个新既境界。加上铺头入面空间感足，唔似得一般餐厅用尽每一寸空间，坐得好舒服。讲返啲野食先，个汤完全系木瓜雪耳汤既咸版，清清甜甜，几滋润。个羽衣甘蓝饭几有惊喜，睇落去系普通菜饭，但食果阵就有羽衣甘蓝果阵独特既香味。除左羽衣甘蓝饭仲可以拣准山面同五谷饭，下次要试埋先得。琵琶豆腐大部分都会落蛋做，但依度既琵琶豆腐竟然系vegan冇蛋既！其实我未食过琵琶豆腐，所以唔识分有蛋同冇蛋既分别，不过就都几好食。咕噜菠萝炒鲜竹个咕噜汁好够味，加埋上面一粒粒唔知系乜但脆脆地几得意，鲜竹就韧韧地几有咬口，有少少模仿到食肉个texture。依个金菇炒西兰花就比较普通，同屋企煮果啲差唔多，如果下次黎会试麻婆茄子，应该会惹味好多。李好纯非常之vegan-friendly，个menu清楚mark哂不含五辛/不含奶/不含蛋/不含麸质/纯素，而且仲要大部分dish都系纯素，真系好正。喺附近返工既素食朋友仔可以多啲黎帮衬呀！