鮮芋仙 (V Point )

营业中

休息中

之前去台湾日日都食得太饱，搞到明明酒店楼下就有鲜芋仙都冇试过。今次黎到铜锣湾分店，8点左右到唔洗等位，但坐低之后出面就已经大排长龙，疫情期间都仲有咁多客人，厉害。依度食野系快餐店形式，自己出去买完再拎返埋位食。招牌仙草沙冰本身系配奶球，不过vegan唔饮奶所以冇要到。啲仙草沙冰都够味，唔落鲜奶球都ok。芋圆几烟韧，大部分都系芋圆得两粒蕃薯圆，分布唔系好平均。味道不过不失，又未至于要排队入黎食。依个系朋友叫既芋圆唔知几多号，冻系配刨冰，热就配红豆汤。卖相就唔多好，朋友话味道都系一般，试过就算咁啦。