春水堂人文茶館 (創紀之城五期(apm))

营业中

休息中

台湾有1成人口系食素既，所以去到台湾完全唔需要担心冇啖好食，除左四围都有素食餐厅，即使系普通餐厅都会有素食拣。来自台湾既春水堂都一样有素食，同非素食朋友去食完全冇难度。餐牌上有两个素面，一个系五香素面，一个系手工素面线。两款睇落好似冇乜大分别，就系一个啲面粗啲一个幼啲。我地最后拣左幼啲既手工素面线，份量细左少少，女仔食都未必够饱。用左冬菇黎取代肉燥，都几入味。如果钟意去台湾夜市扫街，依度都有啲街头小食比大家过下口瘾。个杏鲍菇炸得几酥脆，不过份量都系偏少。地瓜条就比较油腻，同埋都系果句，份量偏少。上面几款食物既价钱系好平，不过我宁愿佢收多少少钱比大份啲我地，咁会食得开心啲。