影片
更多
2020-12-15
682 浏览
自从成为vegan之后，身边既朋友结婚时都会好主动咁帮我安排素食，婚礼完左后都会再确认我系咪有野食，真心觉得好幸福。本身搞婚礼已经好多野搞，加上疫情，婚期一拖再拖，喺安排座位同流程都多左好多变数，喺依个时候都仲记挂住我有冇野食，真系好感动。今次朋友既婚礼喺中环The Murray入面既Popinjays举行。酒店都好贴心，除左提供酒精搓手液，仲有lotion可以比客人滋润下对手。去到餐厅都一再提醒除左食野之外都要戴口罩，确保大家既安全。观礼之后可以就坐食野。每一枱都分隔开一段距离，保持social distancing。坐低左之后职员就即刻黎确认我系食素既，之后好快就上菜喇。先黎既系Garden Salad，有多款沙律菜、樱桃萝卜同牛油果，酱汁方面就落左意大利香醋，系一道简简单单既开胃菜。上汤之前职员再确认我系要走奶同芝士，之后就送上左依碗Creamless Roasted Tomato Soup。个汤本来配左芝士同炸面包粒，走左芝士就得返蕃茄。汤系用蕃茄熬成既浓汤，加埋sun dried tomato，就另到个汤多左啲层次感。不过我唔小心一啖食哂成粒sun dried tomato，
今次朋友既婚礼喺中环The Murray入面既Popinjays举行。酒店都好贴心，除左提供酒精搓手液，仲有lotion可以比客人滋润下对手。去到餐厅都一再提醒除左食野之外都要戴口罩，确保大家既安全。
观礼之后可以就坐食野。每一枱都分隔开一段距离，保持social distancing。坐低左之后职员就即刻黎确认我系食素既，之后好快就上菜喇。先黎既系Garden Salad，有多款沙律菜、樱桃萝卜同牛油果，酱汁方面就落左意大利香醋，系一道简简单单既开胃菜。
上汤之前职员再确认我系要走奶同芝士，之后就送上左依碗Creamless Roasted Tomato Soup。个汤本来配左芝士同炸面包粒，走左芝士就得返蕃茄。汤系用蕃茄熬成既浓汤，加埋sun dried tomato，就另到个汤多左啲层次感。不过我唔小心一啖食哂成粒sun dried tomato，阵咸味同酸味浓到讲唔到野，建议大家分开几啖同埋连汤一齐品尝会好啲。
主菜系Portobello Mushroom Panini，馅料包括大啡菇、羽衣甘蓝、车厘茄同洋蒽。本身个羽衣甘蓝系有cream，同埋会落Comté cheese，veganis左之后就变左做个咖喱酱，都几特别㖞，仲冇cream同芝士咁漏添。薯条有浓郁既黑松露香，其他唔系食素既朋友都比佢吸引到。主菜既份量太大，一个人绝对食唔哂。
比较可惜系冇甜品，如果有啲vegan cake或者pudding作结就更好。疫情持续左成年，好多人既婚礼已经一再延期，而部分餐厅只准改期一次，有啲甚至唔比改期，令到新人要硬住头皮去解决问题。依段期间结婚既人都辛苦喇，希望大家经历完依个挑战后，感情会更加坚固。
张贴
