素食媽咪 (已易手) 新餐厅

素食妈咪返黎喇！本来喺太子既素食妈咪搬左去荃湾之后就冇再食过，依家佢地又返番九龙区，终于有机会再黎食。因为疫情关系铺头只可以坐一半人，所以都要等一阵先入到座。等既地方冇瓦遮头，天气热既时候都几辛苦，唯有用念力叫啲食客食完快啲埋单走人。埋位见到个个都嗌紫豆卷薯饼，唔执输心态都叫左黎试。个卷同薯饼都炸得香脆，但又唔会油腻，加埋个sauce食到人lam lam脷。紫豆卷得三旧实在太少，起码要double先可以过足口瘾。妈咪米卷用米纸包住萝卜、豆芽、素鸭同芒果，味道非常清新，芒果系有画龙点睛既效果，夏天食一流。韩式拌绿茶冷面配上自家制泡菜，阵辣味慢慢渗出黎，越食越辣，自问唔佷得辣记得拎定杯水。除左一般堂食，素食妈咪都会整盆菜架。一班人聚会果阵可以考虑下订佢地盆菜，味道冇传统果啲咁浓，适合钟意清淡啲既朋友。