雲記桂林米粉

营业中

休息中

以前去亲旅行就会提早揾定当地有啲咩素食餐厅，储定一大堆餐厅喺袋，去到边都有得食。依家冇得去旅行，就变左日日喺度碌foodpanda同Deliveroo，发掘喺啲餐厅会唔会有隐藏素食。今次就比我地揾到依间云记桂林米粉有素食。除左个斋米粉外，都仲有好多小食系素食，绝对vegan friendly。凉拌斋米粉份量大，配料亦都足料，有生菜、木耳、荀、酸豆角同花生，基本上净系食依啲配料都已经好够，唔洗再加其他料，辣辣地都好惹味。另外仲点左凉拌腐竹同凉拌藕片，原来腐竹系有青瓜，我自己麻麻地青瓜，所以对佢有少少偏见。藕片都几爽脆，两款既辣度都几高，食到要系咁饮野，下次要叫少辣先得。叫外卖虽然方便，但就制造左好多垃圾。做个负责任既人，食完洗返干净啲野拎去回收，为环保出返啲力啦。