每日

营业中

休息中

素食自助餐越开越多，真系令人花多眼乱。最近疫情影响下自助餐都大受打击，所以「每日」都因应疫情做左啲措施，除左量体温依啲基本野，仲会要求客人攞野食果阵要带口罩同埋手套，令大家安心啲。一黎就食下啲炸野同小食先！Burger仔块扒竟然系块莲藕，估佢唔到。最钟意系果块唔知咩名既绿色饼，好香口又唔会漏。椒盐粟米几特别，切到细细旧咁方便入口。㑼榄菜炒饭整得好好，以前自己整过好油淋淋，但依个炒得好干身，啲饭仲粒粒分明。依度啲蛋糕多数都有蛋奶，好彩有啲中式糕点都叫做有甜品食，个姜汁糕好正，超烟韧同埋姜味好足。饭后果都有唔少选择，啲西瓜略嫌切得太大旧。纯素雪糕唔多，同埋都唔平，估唔到依到有得任食。依个牌子未见过，味道都唔算出色，但有依个选择提供都已经好好。仲有个碗仔翅同胡椒萝卜汤唔记得影相，但两个其实都好正！星期五六日晚市168蚊一位，耐唔时一次都唔错。