影片
更多
2020-05-19
1163 浏览
母亲节带埋母亲同母亲个母亲一齐食饭，食中菜就啱哂。相比起传统中式斋铺，从心既装修冇咁老土，餐牌上面既食物都比较新颖。不过要提下大家，依度既防疫措施系极hea。入到去冇人帮食客探热，枱与枱之间既距离只够阿姐摄入去，如果好怕传播病毒既话就唔建议去住喇，等疫情过左先啦。讲返啲食物，牛肝菌饺子煎得好靓，当然我地都唔会傻傻以为个馅会有好多牛肝菌，个馅以白菜为主，味道都唔错既。竹笙四季翅用料足，似系靓料版既碗仔翅，一窝四个人分完都仲有剩，好有分量。第一次食白木耳，比普通木耳爽口。通常依味菜都会配下啲蚌，个白木耳刚好可以复制果种口感。避风塘腰果茄子脆豆腐既避风塘口味未够劲，可以再加多两钱肉紧整惹味啲。啲豆腐同茄子炸得啱啱好，脆卜卜又唔会太油。我本身系唔食苦瓜既，平时钟意食苦瓜既母亲就话个苦瓜苦左少少。我就觉得个豉汁既豆豉味可以再浓少少。嗱依个福建饭大家真系要小心，唔系话佢唔好食，以系落单前后一定要confirm阿姐有冇落啱order。已经讲左唔食蛋要走蛋，但阿姐系完全冇理到。后尾问返朋友先知叫左走蛋既话张单系会显示喺张单到，而我张单系冇写到，即系阿姐做漏野...总括黎讲系几好食，但喺疫症下真系要跟足
讲返啲食物，牛肝菌饺子煎得好靓，当然我地都唔会傻傻以为个馅会有好多牛肝菌，个馅以白菜为主，味道都唔错既。
竹笙四季翅用料足，似系靓料版既碗仔翅，一窝四个人分完都仲有剩，好有分量。
第一次食白木耳，比普通木耳爽口。通常依味菜都会配下啲蚌，个白木耳刚好可以复制果种口感。
避风塘腰果茄子脆豆腐既避风塘口味未够劲，可以再加多两钱肉紧整惹味啲。啲豆腐同茄子炸得啱啱好，脆卜卜又唔会太油。
我本身系唔食苦瓜既，平时钟意食苦瓜既母亲就话个苦瓜苦左少少。我就觉得个豉汁既豆豉味可以再浓少少。
嗱依个福建饭大家真系要小心，唔系话佢唔好食，以系落单前后一定要confirm阿姐有冇落啱order。已经讲左唔食蛋要走蛋，但阿姐系完全冇理到。后尾问返朋友先知叫左走蛋既话张单系会显示喺张单到，而我张单系冇写到，即系阿姐做漏野...
总括黎讲系几好食，但喺疫症下真系要跟足政府指引，坐到咁密对大家都冇好处。
张贴
