moono (已結業)

网上虽然有好多vegan bakery，但就好少有实体店，有时口痕想食蛋糕都好难即时有得食。好彩依家慢慢开始多左啲有vegan蛋糕卖既cafe，好似Infiniti C、JOMO、The Missing Piece等等，但始终都系想有纯vegan既蛋糕实体店。依个梦想终于由moono帮我地达成左！moono位于深水埗既合舍入面，除左蛋糕仲会有曲奇饼同酸种面包卖，种类唔算太多，不过都心满意足架喇。人气产品一定要数佢地既卷蛋。啲卷蛋成日都会有唔同口味，每次去都会有惊喜。今次我地试既系榛子味，个榛子酱香浓到想大叫出黎，超级好食！蛋糕个糕身略为干左少少，如果可以湿返少少增加啲弹性就perfect。Vegan蛋糕其实真系好考功夫，每一次都系trial and error，希望佢地会试出越黎越好既配方。朱古力挞系偏苦甜朱古力既路线，唔会死甜，钟意朱古力既朋友一定要试。唔讲既话，真系唔会分得出佢系无蛋奶既vegan甜品，依家既vegan食物真系出神入化，可以令好多人喺不知不觉间食到素，帮到啲动物。佢地既卷蛋都可以原条订返屋企同家人朋友开心share架，有兴趣可以inbox佢地查询架。