NUTTEA (萬廸廣場) (已結業)

来自台湾既Nuttea已经登陆左香港两年喇，佢地既出现令到唔饮牛奶既vegan都可以品尝到奶盖既美味。而佢地既坚果奶盖比一般用牛奶整既奶盖更丰盈同厚身，而且更加健康。新蒲岗分店系Nuttea喺香港既第一间分店，地点唔算方便，但对依个地方反而有少少情意结。试问香港有边间台式饮品店系有位坐架？但新蒲岗分店就有一个角落，比客人坐喺度品尝，就算满座都仲有bar枱，感觉都好舒适。虽然佢地有坚果奶、水果茶等唔同系列既饮品，但我每次都必定系饮坚果奶盖系列，因为真系太好味。手冲咖啡奶盖上面既奶盖系原味奶盖，有少少咸香。稍为搅拌下啲奶盖就可以溶入啲咖啡到，比一般用燕麦奶或者豆奶冲既咖啡更滑同有口感。粉红莓好坚果奶盖茶系季节限定，啲奶盖都加入左士多啤梨，同原味比就多左一份甜同香。水果茶连冰一齐打，所以冇得少冰，但又唔会觉得太冻，士多啤梨同啲茶好夹，必饮。Nuttea越开越多，比更多人感受到冇牛奶同冇伤害既美好，一定会继续支持。