影片
更多
2021-05-27
1518 浏览
中环既打工仔就算本身唔系素食者都应该有听过／食过福禄寿。以中环黎讲，一个外卖三𩠌饭连汤只需要$31真系平到傻左，而堂食都只系加多几蚊。每日有13个𩠌拣，而依啲𩠌每日都会转，就算一星期食足5日都可以日日食到唔同𩠌。有时会见到人去买净𩠌，夜晚就可以加𩠌煮少样。唯一唔好处就系用发泡胶，如果可以转纸盒就好，不过都见过有人自备盒黎买饭，环保人士都可以试下自备盒。素鸭系必点既，佢地有时系芝麻北京素鸭，有时系梅子汁素鸭，仲有椒盐紫菜素鸭，净系一样素鸭都已经有咁多唔同煮法，每款各有特色，而且都系好食。另外有几样𩠌既出现频率比较低，但每次见到都必食，好似系三参素鸡翼、鲜竹卷同素乳猪，个素鸡翼真系好好味。由于福禄寿唔系纯素，所以都会有啲有蛋既菜式，vegan朋友要注意。佢地啲汤都好足料，饮落冇乜味精味，都值得一试。如果唔系特别钟意饮汤，就可以叫两𩠌饭，又悭多几蚊。唔知大家有冇边啲心水𩠌菜推介呢？
素鸭系必点既，佢地有时系芝麻北京素鸭，有时系梅子汁素鸭，仲有椒盐紫菜素鸭，净系一样素鸭都已经有咁多唔同煮法，每款各有特色，而且都系好食。
另外有几样𩠌既出现频率比较低，但每次见到都必食，好似系三参素鸡翼、鲜竹卷同素乳猪，个素鸡翼真系好好味。由于福禄寿唔系纯素，所以都会有啲有蛋既菜式，vegan朋友要注意。佢地啲汤都好足料，饮落冇乜味精味，都值得一试。如果唔系特别钟意饮汤，就可以叫两𩠌饭，又悭多几蚊。
唔知大家有冇边啲心水𩠌菜推介呢？
张贴
