滕王閣素葷美食 (已結業)

第一次食滕王阁果阵，佢地喺北角，之后搬左去观塘又食过，其后再搬去长沙湾，因为营业时间同地点有啲唔方便，所以都冇再去。依家佢地再搬左去西九龙中心，营业时间又正常返，终于又可以再黎食喇。滕王阁系一间荤素共融既餐厅，明白唔同类型素食者既需要，令素食者可以食得放心。咖喱砂窝米线既咖喱味好浓郁，隔住个口罩都闻到阵阵咖喱香味，配豆卜食一流，可以吸收哂啲汁，将味道再提升。麻酸辣薯粉都好味，但因为先食左咖喱米线，突然有一种稍稍比下去既感觉，可见个咖喱真系好出色。除左米线，估唔到仲有肠粉食！虽然想鼓励多啲人食素，但我都唔会呃大家话个素叉肠同真叉肠系一样。不过有得过下口瘾都唔错吖。西九龙中心既food court大部分铺位都系用即弃餐具，好难得滕王阁会用可重用餐具。喺疫症有增无减既日子，大家用既外卖餐具越黎越多，可以既话尽量帮趁啲会用可重用餐具既餐厅，多为环保出一分力。