九份•十分 (已結業)

啲人成日话食素唔方便，又话冇啖好食，但其实只要多啲留意餐厅既menu，好多时都会发现到有素食，仲要唔止系青菜。九份十分个menu上面有几款素食，以前啲小菜加钱可以变餐有饭有野饮，不过依家已经冇左依支歌仔唱，全部野一律散叫，包括白饭。唔知厨房系咪落漏单，等左好耐再催佢地，等左差唔多半个钟先有得食。可能等得太耐太饿，一个平平无奇既三杯杂菌都即刻化身美味佳肴，好够镬气，而且调味唔错。洋葱既比例有少少过高，落多啲杂菌会好啲。个素鹅唔系平时得啲腐皮果款，仲有少少菇，都几特别。份量唔算多，如果大份啲就好。喺素食餐厅唔多既地方，只要多啲留意餐厅既menu，都会有新发现架！