天之樂素食 (已結業)

天之乐素食系一对银发夫妇开既，希望推广素食同埋天贝既好处。天贝又叫黄豆饼，系印尼既黄豆发酵食物，有丰富既蛋白质，更被誉为素食中既肉类，不过喺香港就暂时唔算多人识，只系得印尼铺见到佢既踪影。作为一间小小既外卖店，佢地既款式算系好多，有汉堡啦、焗饭、焗意粉、仲日日有多款中式𩠌配饭，日日食都唔会闷。不过要留意有啲焗野系有芝士既，唔系vegan架。天贝汉堡份量超大，块扒仲大过个包！块扒可以拣原味或者咖喱味，原味就咸咸地咁，同个苹果酱几夹。不过个包就偏干，可以考虑落多几块生菜令个包湿润啲。素肉酱意粉将啲天贝切碎成素肉，蕃酱稠度适中，又唔会太浓味，食落觉得几健康。中式饭就净系试过一次，对个素鸭有少少失望。一般素鸭都会煎香左再煮，但依个似乎系直接攞左去煮，唔够香口，可能系想健康啲啦。值得一赞系个饭，加左少少藜麦落去，又有营养又健康。开头唔知焗意粉系有芝士，打开果下有啲失望，最后要撩返走哂啲芝士。后来向店方反影，佢地都好快手改返个menu，加左芝士icon仔等人知边啲款式系有奶，等vegan唔洗再中伏。以价钱黎讲个质素算ok，对中环成日要买外卖食既打工仔黎讲系个健康又抵食既选择。