藥膳刀削麵 (已搬遷) 新店位置

食素既中环打工仔一定会食过喺铁行里既福禄寿，咁啱有人去开福禄寿见隔离开左间新铺，就拎张menu睇下啦，结果竟然比我揾到有素食。年纪大左就开始讲究养生，见到有「药膳」依两个字就双眼发光，急不及待想试。药膳汤底系由黄茋、党参、当归、红枣、桂圆同枸杞熬成，净系听到个组合都觉得补到流鼻血。个汤好清，一滴油都冇，啱哂钟意健康少油既人。味道就有少少甘甜，唔会太苦，容易入口。𩠌就以蔬菜为主，同有少少菇，如果有啲豆制品会好啲，会饱肚少少。依个食完过左两个钟就开始肚饿，唔系好够饱。