神經餵飼 (已結業)

几年前黎过一次神经喂饲，果阵坐左喺阁楼既塌塌米，有少少似去左日本旅行既感觉。当时食左一个铺满左好多色彩縯纷既食用花既Toast，印象好深刻。最近听朋友讲佢地有出素食，咁啱经过就入去试下。晚市唔算多人，唔洗等位。Menu上面既食物种类唔多，其中一个系素食。黎之前上Openrice睇左个menu，lunch time既杂菌豆腐饭系$75，晚市多左个汤就要$98，一个汤收多$23，都几贵。味噌汤味道非常淡，得两三旧豆腐，海带都冇，诚意欠奉。豆腐杂菌饭既饭同𩠌系分开上，𩠌既汁非常咸。个餐牌写住佢地既味道系偏淡，但个汁真系好咸，就算捞埋饭一齐食都仲系好咸，最后要撇左啲汁黎食先搞得掂。个豆腐唔系盒装豆腐，系街市豆腐档卖果款，唔知系咪处理得唔好，一食落口就有好大阵石膏粉味，食完个口入面会觉得唔舒服果种。Overall个饭唔多okay....牛油果青苹果沙冰不过不失，其实都只系将啲水果blend好整个smoothie，有个blender就做到，冇乜特别。后来听人讲餐厅换左个厨，所以食物质素差左。希望佢地可以检讨下，重拾以往既水准。