基地叁 (已結業)

基地叁系油麻地嘅一间楼上酒吧餐厅，以紫色配银色为主题，有点Cyber嘅感觉，相当型格！基地叁~重奏 $138蜜瓜劲甜劲多汁！田螺软嫩美味！柚子渍海鲜包括带子、大虾、北寄贝、蚬、八爪鱼等，鲜味十足！黑鱼籽酱三文鱼他他 $138以海螺为器皿，卖相颇具心思！Cracker够脆身，三文鱼他他都几开胃，黑鱼籽酱同埋三文鱼籽大幅提升鲜味！黑松露野菜暖沙律 $98温和嘅黑松露味，配搭以青豆为主嘅熟蔬菜，翠绿又够健康！炭烤安格斯肉眼 $268烤至近乎完美嘅肉眼扒，五成熟嘅牛扒口感极软嫩，带一点点嘅炭烧焦香，真系好正！伴碟嘅薯蓉同埋沙律均高质，值得推介！基地Pizza $158自选馅料嘅Pizza，批底带一点点嘅厚度，口感香脆，茄汁底配烟三文鱼、辣肉肠、车厘茄，的确唔错！香蕉朱古力咖啡 $68同时尝到香蕉、朱古力、同埋咖啡味，balance得好好，三者唔会抢去对方嘅味，仲有少少焦糖嘅香，nice！香水有毒 $128以香水为主题嘅cocktail，店员喷上玫瑰味嘅「香水」，cocktail带玫瑰香，酒味温和而优雅！