基地叁 (已結業)

好耐都冇去过呢种酒吧餐厅食嘢，今次呢间酒吧已经开到第三间分店，呢间装修以紫色为主题，整个氛围都感觉好神秘🙈，唔同座位都坐得好舒服，啱晒边倾边食边饮～呢间酒吧餐厅嘅食物出品都好高质，用嘅材料新鲜，摆盘精致，饮品名都好有特色，可以喺呢度同朋友过上成晚都得！------------------------------🐚◖基地叁～重奏◗ $138呢个三重奏分别有风干火腿配蜜瓜、柚子渍海鲜、法式田螺～火腿配蜜瓜相对会普通少少，蜜瓜略嫌唔够甜～柚子渍海鲜，有好多款海鲜包括虾、带子、鱿鱼、北寄贝、赤贝，每款都可以保持到鲜味弹牙，经过果渍后味道酸酸甜甜，好啱做开胃前菜，个人好钟意！法式田螺口感软腍，味道略嫌被蒜味遮盖，但底下嘅薯蓉超Creamy几出色！🐟◖玻璃纸焗比目鱼◗ $228用玻璃纸包住去焗，保持到温度，打开仲出晒烟，比目鱼表面放咗柠檬同蕃茄，几有层次，比目鱼香煎过再焗，令香味升华咗唔少，特别系𠮶鱼汤，混合埋柠檬汁，味道几清新，又唔会觉得油腻～🦞 ◖龙虾西班牙海鲜饭◗ $238饭表面铺满晒海鲜有半只龙虾、鱿鱼、蚬，龙虾肉几鲜甜大只，肉质好瓷实弹牙，鱿鱼都好新鲜弹牙，𠮶饭粒粒分明，但略嫌味道偏淡～