Next Station Dessert (已結業)

喜欢紫薯嘅我今日又黎到旺角揾食。一日铺头，就比入面嘅装修吸引，旁边仲有大大嘅展示牌介绍呢度既一d主打甜品。栗香紫薯山 ($65) 栗子同紫薯原来可以咁夹😍，真系一拍即合！栗香紫薯山 卖相非常讨好，紫薯味道天然浓郁，唔会觉得落咗好多糖，栗子蓉比紫薯蓉香甜软滑，平时大爱紫薯嘅我都觉得呢个栗子蓉好好食😋😋！紫薯波上面系云呢拿雪糕，雪糕做得比较失色，唔够香滑，而且有冰感。但斋睇卖相，有紫薯同栗子已经够哂满足。朱古力心太软配曲奇雪糕 (58) 第一次食有酒味嘅心大软😍😍非常好食！蛋糕外层焗得好香脆，入面嘅朱古力酱非常流心，而且味道够哂浓郁😋😋最特别系心太软上面有一枝酒心吸管，可以将酒加入蛋糕里面，酒心有四个选择 🍸🍹🍷 ：Rum, 于邑橙酒， Baileys，同埋士多啤梨忌廉甜酒。我选择嘅系士多啤梨甜酒🍓，酒心流入朱古力浆后，混合起黎会食到淡淡嘅士多啤梨味同酒味，酒味唔会好浓，岩哂我呢啲唔系太饮酒嘅朋友仔。雪糕同样失色🍦，，奶味唔够浓。不过净系个心太软已经满分！今日食嘅两款甜品卖相同味道都相当唔错，下次会再黎食其他甜品！