東海堂 (已結業)

国际软雪糕日㖞，当然要食返杯软雪糕啦！！想试东海堂呢个软雪糕好耐啦，好多好评！有紫薯味同北海道牛乳或者两沟，虽然两样都好吸引，但因为想试真啲只味所以就无拣到两沟喇 。唧落其实有少少失望，因为平时睇相都见呢个系好大枝，但今次到我食明显系少左两成份量左右啰无计啦唔通叫佢唧过咩！虽然好想相机食先，但佢都溶得好快呀，影左几张相已经溶到滴落黎，睇黎佢好心急比我食㖞食落紫薯味果然无令人失望，唔会系果种好假既味，而且好多时如果特别口味既雪糕都会过甜，但呢到就甜道岩岩好。雪糕除左味道当然系个质感啦，牛乳系卖点，滑溜溜口感走唔甩啦，虽然滑但都唔系同系日本食果啲牛乳雪糕咁稠身，所以即使咁大杯都意外地唔会觉得漏架！！