皇室盛宴 (已結業)

寻日午膳黎左呢间私房菜，系118号3楼。事缘系lift 见到呢间做紧每份套餐减$20，决定一试。餐厅装潢不错，白色墙身，坐下来感觉很舒适，没有中环个种食个晏都要赶住走种感觉。餐牌有六款选择，意粉、意大利饭、鲈鱼、红椒海虎虾、牛柳等等。套餐包括汤、沙律、主菜及饮品，价钱由$88 - $138，收费唔算贵。沙律菜好味，落左黑醋味道甜甜地，合理水准，不错的开胃前菜。个汤有惊喜，紫色既汤好少见，原来系紫薯汤。第一次试紫薯汤，起初感觉有点像吃紫薯糖水，甜得来又带些少松露味，松露与紫薯混合后又几夹，味道唔错，够特别！主菜系深海鲈鱼伴南瓜汁，卖相好靓。鲈鱼系用新鲜鱼，味道方面有水准，用南瓜汁食鱼都是第一次，皮脆香口，肉质保持油份，入口嫩滑，同时又唔会太油腻，好味。配菜就有时疏，用蒜蓉炒过好香好好味，有点中西合壁的感觉。餐茶点了热情果茶，另外有伯爵茶，橙汁，可乐等等可供选择。