海記合桃坊甜品

营业中

休息中

食完晚饭, 又到买甜品返屋企食既时间, 咁啱就有间甜品店开系晚饭位置附近 - 海记合桃坊甜品。呢间甜品店我记得1, 2年前有帮衬过一次佢地既莲子炖鲜奶。但无咩印象食物味道如何, 应该表现正常卦。因为近排天气凉凉地, 心里面已经决定左要食D暖胃既糖水。炖木瓜同蕃薯糖水之间既选择, 其实大多数我都系会拣蕃薯糖水既, 因为好多时甜品店所供应的炖木瓜都有我唔钟意食既雪耳。其实就咁冰糖炖木瓜都几好吖。因为咁, 我最后叫左一碗紫薯芋圆蕃薯糖水。紫薯芋圆蕃薯糖水 - 非常足料, 蕃薯劲大块, 仲要煮得好味, 又甜又淋。紫薯芋圆口感烟韧软糯但可惜没有紫薯味。仲有就系个糖水太甜, 不过因为系带返屋企食, 我自行加热水落碗糖水度, 份量足够成为我两日既饭后甜品。不过就只系当佢蕃薯糖水咁食, 当D紫薯芋圆无到。