影片
更多
2016-05-08
2524 浏览
呢间面包铺前身系Le Bon Pain Bakery 结业后从新装修 变身为依家既J'aime Pain 不过风格依旧平时好钟意去面包铺 发现到有新包就会好兴奋 呢次夜晚经过J'aime Pain 醒起自从佢转手后都无再帮衬过 入内发现以前Le Bon Pain Bakery既时候已经有既紫薯Q心冬甩仍然有售 仲发现左其他紫薯面包 即刻买左三个宵夜层层香浓紫薯丹麦方包 ($8)呢款丹麦方包绝对唔需要好似平时食方包咁淡谬谬要做三文治或者搽榛子酱花生酱果酱食 就咁食味道已经好浓郁之前Das Gute同东海堂都出过类似款式既紫薯方包 但系望落方包九成都系白色 只系夹杂住少少紫色 觉得紫薯味唔会浓得多少 所以从来都无试过而呢个唔需要多讲 望落卖相已经非常吸引 几乎整块方包都系紫薯味细个既时候好钟意食面包铺既丹麦提子条 成日朝早返学都新鲜出炉 果种面头甜滋滋 咬开一层层既质地真系好正不过呢个可能因为唔系新鲜出炉 面层既酥皮已经淋左 不过食落依然有一层层既感觉 而且牛油味几香 包身既紫薯味真系非常香浓 仲有啲好粉既紫薯粒粒 增加口感紫薯Q心冬甩 ($12)其实觉得呢款冬甩系参考Antoshimo既
平时好钟意去面包铺 发现到有新包就会好兴奋 呢次夜晚经过J'aime Pain 醒起自从佢转手后都无再帮衬过 入内发现以前Le Bon Pain Bakery既时候已经有既紫薯Q心冬甩仍然有售 仲发现左其他紫薯面包 即刻买左三个宵夜层层香浓紫薯丹麦方包 ($8)
层层香浓紫薯丹麦方包
$8
85 浏览
1 赞好
0 留言
之前Das Gute同东海堂都出过类似款式既紫薯方包 但系望落方包九成都系白色 只系夹杂住少少紫色 觉得紫薯味唔会浓得多少 所以从来都无试过
而呢个唔需要多讲 望落卖相已经非常吸引 几乎整块方包都系紫薯味
细个既时候好钟意食面包铺既丹麦提子条 成日朝早返学都新鲜出炉 果种面头甜滋滋 咬开一层层既质地真系好正
不过呢个可能因为唔系新鲜出炉 面层既酥皮已经淋左 不过食落依然有一层层既感觉 而且牛油味几香 包身既紫薯味真系非常香浓 仲有啲好粉既紫薯粒粒 增加口感
紫薯Q心冬甩 ($12)
紫薯Q心冬甩
$12
108 浏览
2 赞好
0 留言
紫薯Q心冬甩
$12
151 浏览
0 赞好
0 留言
面层铺上紫薯粉 望落啡中带紫 不过并无增添紫薯味只得糖味 食落就100%似系山崎果款面头沾满砂糖既迷你原味冬甩
而油腻感方面呢个就明显比Antoshimo重得多 一咬落去成汤匙油咇出黎 食完只手仲用皂液洗左两次先洗得干净 不过呢 就食唔出有油味既 唔似有啲冬甩咁 多油之余仲会食到好大阵油益味 只系会食得比较狼狈姐
紫薯蓉超多 Antoshimo既炸包其实有少少空心 但呢个真系塞满晒整个冬甩 连少少空隙都无 馅料甜度稍高 不过好滑好似莲蓉一样
入面既麻糬虽然体积唔大 但系超烟韧超有弹性 唔似Antoshimo果个咁已经溶成浆 失去加入麻糬既意义
其实一个即叫即炸一个已经放凉 所以比较起黎系唔准确 但系呢个真心好足料 值得一试
紫薯芝士酥皮卷 ($16/100g)
紫薯芝士酥皮卷
$16
100 浏览
1 赞好
0 留言
紫薯芝士酥皮卷
$16
76 浏览
1 赞好
0 留言
紫薯芝士酥皮卷
$16
106 浏览
0 赞好
0 留言
面层铺左好多大大粒既芝士 焗到芝士变得微硬脆卜卜 底下既紫薯面包味道同丹麦方包如出一辙 而且都系有紫薯粒粒夹杂系中间
如果就咁连埋面层咸香既芝士酥皮一齐食 紫薯味就会被遮盖 但系都会食到淡淡既甜味 就好似食紧酥皮芝士甜包咁
店内仲有好多特色面包同甜品蛋糕 每款都好吸引 唔系紫薯控都必定会选购到心头好
张贴
