影片
更多
2023-06-18
541 浏览
呢日落咗成日雨，同老友4点零钟经过呢间嘢入去歇歇。一入门口阿姐就叫我老友放低把长遮喺门口个桶，我把缩骨遮就费事放，折埋佢塞番落背囊个外袋算。间舖都算静，成场三四枱客。我哋拣张枱坐低然后每人叫咗个下午茶餐烧鹅濑。一咬之下，竟然完全食唔出烧鹅味，都唔知系咪烧鸭扮烧鹅，皮又唔脆，啲肉又干又鞋，同街市烧腊档啲烧鸭咁上下质素。虽然我哋都唔系志在食嘢，不过佢吹到咁大，有期望好正常，佢又交唔到货，我哋肯定非常失望。到埋完单准备走人，我老友发现佢把佐丹奴遮俾人攞咗，当然问阿姐点算。几个阿姐除咗吹水打牙骹之外，最叻就卸膊，个个好似唔关事咁，哦完扮冇嘢。喂，大佬，我哋听你话放把遮喺你指定地方，而家唔见咗，你觉得完全冇责任咩？好老实呀，个桶得三四把遮，认真少少都应该记得边把打边把啦，你叫得人放喺度就有责任看管。我都明，真系看管系好难做到，但到真系俾人偷咗，系咪都应该尽力去寻求解决方法？出面仲落紧大雨，系咪谂住叫我老友监生淋雨？结果要我哋连番质问，佢哋先逐把遮问在坐客人系咪属于佢，问完终于揾到一把无人认头，就话俾我老友。佢系好唔情愿，但冇计，佢把遮想追都追唔返，唯有拎呢把顶住档先啰，唔系可以点？其实呢啲舖头打
一入门口阿姐就叫我老友放低把长遮喺门口个桶，我把缩骨遮就费事放，折埋佢塞番落背囊个外袋算。
间舖都算静，成场三四枱客。我哋拣张枱坐低然后每人叫咗个下午茶餐烧鹅濑。
一咬之下，竟然完全食唔出烧鹅味，都唔知系咪烧鸭扮烧鹅，皮又唔脆，啲肉又干又鞋，同街市烧腊档啲烧鸭咁上下质素。虽然我哋都唔系志在食嘢，不过佢吹到咁大，有期望好正常，佢又交唔到货，我哋肯定非常失望。
到埋完单准备走人，我老友发现佢把佐丹奴遮俾人攞咗，当然问阿姐点算。几个阿姐除咗吹水打牙骹之外，最叻就卸膊，个个好似唔关事咁，哦完扮冇嘢。
喂，大佬，我哋听你话放把遮喺你指定地方，而家唔见咗，你觉得完全冇责任咩？好老实呀，个桶得三四把遮，认真少少都应该记得边把打边把啦，你叫得人放喺度就有责任看管。我都明，真系看管系好难做到，但到真系俾人偷咗，系咪都应该尽力去寻求解决方法？出面仲落紧大雨，系咪谂住叫我老友监生淋雨？
结果要我哋连番质问，佢哋先逐把遮问在坐客人系咪属于佢，问完终于揾到一把无人认头，就话俾我老友。佢系好唔情愿，但冇计，佢把遮想追都追唔返，唯有拎呢把顶住档先啰，唔系可以点？
其实呢啲舖头打开门口做生意，大把客留低把遮唔记得攞啦，后面仓十把八把无人认领闲闲地。等我教埋你点做吖，首先你应该承担番责任，唔好侧侧膊当冇嘢，你喺度打工无论点卸膊都唔会变路人甲嘅。然后问清楚把失遮嘅资料，大概咩价值，究竟系走鬼档廿蚊把定梁苏记几百蚊把，知道个大概都好重要。最后喺仓攞三把差唔多价值嘅遮出嚟俾个客拣一把，做齐呢几个步骤个客都会顺气啲啦。呢班阿姐绝对需要再培训，唔培训就只系赶客，唔怪得拍晒乌蝇。
所以我喺度奉劝各位，入呢间舖头唔想失遮就唔好听佢老点放门口，滴湿就滴湿，你又唔负责看住啲遮，就梗系有代价㗎啦，唔使你做好唔好？
张贴