影片
更多
2023-05-25
1179 浏览
🌺𡃁妹想熊妹陪佢去启德睇楼🏢，所以就约咗喺附近商场《Mikiki》食个晚餐先。📌有熊妹在，有Cafe在，满布花朵设计的《Tiger Lily》真系啱晒充满少女心的𡃁妹同熊妹。📌《Tiger Lily》可以话系一间pink lady café， 以粉红色为主题，天花板用上多款花朵💐组成大花球，还吊起一个个玫瑰金色嘅大波波，设计非常吸睛👀；粉红色的墙身在配合白色的梳化椅同餐枱，感觉简洁又光鲜，充满少女心的女孩子们一定很喜欢。💓📌沙化椅上面仲有一个个花花款的咕臣，靠背挨上，柔软又舒服，好像家的感觉🏠。📌餐厅主要以西式为主，晚餐套餐📋有沙律、薄饼、汉堡、意粉、牛扒等等选择，套餐包是日餐汤同一杯饮品，价钱由$98至$198，另收加一，都算几抵食。是日餐汤，杂菜汤今日嘅餐汤系红汤，少少地一杯，蕃茄味🍅都几浓郁，有几片椰菜红萝卜，材料味道正常，几开胃。烧烤猪肉薄饼， $128📌熊妹想食薄饼🍕，成个晚餐Menu就系得呢款，太好啦，选择困难症嘅熊妹唔使拣。哗，材料都几丰富㖞！面头铺满芝士同埋菠萝粒，本身好怕猪肉系用五花腩肉咁肥，原来系用猪髀肉🐷，食落去啖啖肉无一点肥，仲有甜甜嘅烧烤酱，连埋酸甜嘅菠萝粒解
🌺𡃁妹想熊妹陪佢去启德睇楼🏢，所以就约咗喺附近商场《Mikiki》食个晚餐先。📌有熊妹在，有Cafe在，满布花朵设计的《Tiger Lily》真系啱晒充满少女心的𡃁妹同熊妹。
📌《Tiger Lily》可以话系一间pink lady café， 以粉红色为主题，天花板用上多款花朵💐组成大花球，还吊起一个个玫瑰金色嘅大波波，设计非常吸睛👀；粉红色的墙身在配合白色的梳化椅同餐枱，感觉简洁又光鲜，充满少女心的女孩子们一定很喜欢。💓
📌沙化椅上面仲有一个个花花款的咕臣，靠背挨上，柔软又舒服，好像家的感觉🏠。
📌餐厅主要以西式为主，晚餐套餐📋有沙律、薄饼、汉堡、意粉、牛扒等等选择，套餐包是日餐汤同一杯饮品，价钱由$98至$198，另收加一，都算几抵食。
是日餐汤，杂菜汤
27 浏览
0 赞好
0 留言
是日餐汤，杂菜汤
今日嘅餐汤系红汤，少少地一杯，蕃茄味🍅都几浓郁，有几片椰菜红萝卜，材料味道正常，几开胃。
烧烤猪肉薄饼
$128
13 浏览
0 赞好
0 留言
烧烤猪肉薄饼， $128
📌熊妹想食薄饼🍕，成个晚餐Menu就系得呢款，太好啦，选择困难症嘅熊妹唔使拣。
哗，材料都几丰富㖞！面头铺满芝士同埋菠萝粒，本身好怕猪肉系用五花腩肉咁肥，原来系用猪髀肉🐷，食落去啖啖肉无一点肥，仲有甜甜嘅烧烤酱，连埋酸甜嘅菠萝粒解下腻，味道非常夹，非常好味。
熊妹习惯食薄饼会点tabasco🌶，淡味嘅芝士🧀，带甜嘅烧烤酱，再加点辣味嘅tabasco，多重味道融合埋一齐，咁样食系非常滋味！
烟三文鱼明太子扁意粉
$138
5 浏览
0 赞好
0 留言
烟三文鱼明太子扁意粉， $138
用烟三文鱼砌成嘅灯色玫瑰花，卖相好吸引又切合主题，真系打卡都嚟唔切。
烟三文鱼拆开其实仲有两大块，烟熏香重，肉质肥美，唔系平价货。扁意粉好有咬口，系7分钟熟度，煮得非常之好，明太子忌廉汁🍝非常杰身，每条意粉都挂上明太子忌廉汁，味道好creamy，又带上粒粒明太子少少嘅辣味，真系会令人食到唔停口。
配料仲有啲菇片🍄同荀条，食落去爽口，令到成碟意粉有多重口感，份量都几多，两个妹子食啱啱好。
另外仲跟上一块蒜蓉法包🥖，蒜蓉味都重，不过法包就唔系好脆口同唔系好热，睇嚟似系一早整定好等上碟，烘返热啲♨️会比较好啲。
香橙特饮
1 浏览
0 赞好
0 留言
香橙特饮，跟餐价，$0
跟餐饮品除咗咖啡或茶之外，可以拣呢款香橙特饮唔使加钱，几抵饮㖞。
都几大杯㖞🍹，入边有新鲜香橙片同西柚片，然后系橙汁配上梳打，熊妹叫咗少甜，酸酸甜甜又有气泡，开胃又解渴，唔错！
📌《Tiger Lily》系好似进入咗一个粉红世界的花花Cafe💐，成个装修格局好开扬，都令人好舒服，食物味道同价钱都大众化，行开呢头都绝对可以再encore！
张贴
