細味館 (已結業)

-🔸韩式炖排骨年糕配糙米饭 $58🔸非洲海底椰南北杏苹果雪梨炖猪腱汤 +$30-今日lunch听同事介绍就一齐叫呢间外卖饭盒，价钱唔算太贵但主打健康住家风味，仲可以加$30饮私家靓汤𠻹！每个星期都会出新嘅餐单，每一日都有唔同嘅菜式拣返，啱晒想日日有新意嘅为食猫。今日就拣咗韩式少少嘅炖排骨，酱料真系似足韩菜嘅味道，少少辣送饭一流。排骨份量都几多而且大旧，仲有口感烟韧嘅年糕，同埋白饭系混合咗糙米健康得多。跟饭加$30有住家靓汤饮，汤入面附上好大块煲到好淋嘅苹果同雪梨，非常足料好味，同埋呢个汤啱晒近排开始转凉，可以滋润吓呢！