影片
更多
2010-07-01
74 浏览
大家应该都会试过花园同埋金凤两间餐厅锯扒，前者以抵食夹大件见称，但梳打粉太多令肉质变得太软，口感全失。后者地方太逼而且油烟味太犀利。今次介绍位于西环嘅森美餐厅，虽然装修较陈旧，但牛扒味道相当唔错，价钱仲几抵食，怪不得有人话系平民版嘅Morton's of Chicago啦！跟餐面包同埋罗宋汤唔会有太大惊喜，水准合格！起码汤唔会太稀，菜味亦浓，入面仲有少少牛肉丝。面包大大个热辣辣，配埋传统红白格仔台布，令我想起细个去雅阁，红宝石餐厅嘅感觉...头盘薯蓉焗田螺一般货色，田螺味道略嫌唔够浓，但薯蓉焗得好香又唔会牛油味太劲，几好味～黑椒Ｔ骨牛扒大大块烤得好香，虽然份量上无Morton果啲咁惊人，但起码视觉上同份量上都一定得到满足。 而伴碟嘅节瓜片，香脆薯角，煎蕃茄味道都唔错，起码不是马马虎虎堆上去就算嘅行货。呢度嘅Ｔ骨系唯一一款完全无腌制嘅牛扒，所以味道好唔好，烤焗功夫真系要几讲究。果然无令我失望，火侯控制得唔错，入口肉质甘香松化，唔驶$100呢个价位，我收货了～另外老板强烈推介嘅黑椒西冷牛扒，同样无令我失望，份量同卖相都相当对办。当然...唔可以用贵一大截嘅dry age处理西冷扒相比啦～！
跟餐面包同埋罗宋汤唔会有太大惊喜，水准合格！起码汤唔会太稀，菜味亦浓，入面仲有少少牛肉丝。面包大大个热辣辣，配埋传统红白格仔台布，令我想起细个去雅阁，红宝石餐厅嘅感觉...
头盘薯蓉焗田螺一般货色，田螺味道略嫌唔够浓，但薯蓉焗得好香又唔会牛油味太劲，几好味～
黑椒Ｔ骨牛扒大大块烤得好香，虽然份量上无Morton果啲咁惊人，但起码视觉上同份量上都一定得到满足。 而伴碟嘅节瓜片，香脆薯角，煎蕃茄味道都唔错，起码不是马马虎虎堆上去就算嘅行货。
呢度嘅Ｔ骨系唯一一款完全无腌制嘅牛扒，所以味道好唔好，烤焗功夫真系要几讲究。果然无令我失望，火侯控制得唔错，入口肉质甘香松化，唔驶$100呢个价位，我收货了～
另外老板强烈推介嘅黑椒西冷牛扒，同样无令我失望，份量同卖相都相当对办。当然...唔可以用贵一大截嘅dry age处理西冷扒相比啦～！
我叫左一份Medium Rare，切开见到肉质嫩红无渗血水，加埋西冷果层脂肪，入口感觉好完美。个人觉得，口感上比起Ｔ骨牛扒更丰富，肉味亦更浓，以同价位计，比起金凤好上不知几多倍～
最后要了一杯香浓热咖啡，为呢餐作为一个完美嘅终结。如果大家唔想coffee or tea，呢度仲可以加钱转红酒式者啤酒，想豪迈痛饮或者细味品尝，任君选择～
森美餐厅入到去向右望会见到老板同好多顶级艺人同名流都有合照，亦有外国同日本传媒介绍报导，证明呢间旧式扒房名不虚传。不过，除非你系爱好锯扒，又或者住得近，否则你要自己衡量值唔值得得黎到西环试呢份牛扒喇～
张贴
