華香雞 (已結業)

华香鸡系80年代开始已经系香港开始经营，虽经历高低，但仍然屹立不倒。早前同朋友去咗铜锣湾骆克道嘅分店食晚餐。我地大约7点左右去到，门口已经有好多人等紧位，我地大约等咗20分钟就入座。餐厅空间唔算大，大约容纳到20人左右。餐厅主打招牌鸡饭外，仲有提供牛腩、鳝肉、卤水拼盘等，选择都多。我地最后叫咗半只鸡加个牛腩套餐。🔻招牌华香鸡味道：8/10价钱：$108招牌嘅华香鸡用上白卤水熬制而成，咸香味并重，而鸡肉嫩滑，就算鸡胸部位都唔会觉得鞋！食落更有啲卤水的香味～好食！另外佢地个姜蓉都十分出色，姜葱切得幼细，口感细腻，而且唔会太油，同鸡肉几配搭。🔻原味清汤牛腩味道：7.5/10价钱：$57朋友叫咗个牛腩套餐，牛腩份量多，肥瘦均匀。牛腩吸收咗清汤，非常入味，而且每旧都带点筋同油花，口感丰富！另外套餐仲会跟个白饭、白菜同饮品或汤。🔻鸡汤白菜味道：7.5/10价钱：$25白菜份量多，鸡汤味都算浓。