影片
更多
2023-08-02
3847 浏览
嚟到「绿怡咖啡厅」又唔一定食自助餐嘅，今晚同旧同学聚聚旧，过嚟一试佢哋嘅「细尝咖喱」海鲜套餐。其实，绝大部份酒店内做自助餐嘅餐厅，都可以散点叫餐，因为都要照顾到唔食自助餐嘅酒店旅客，不过，就较被忽略。 环境方面，始终呢个场主力都喺做自助餐，所以，格局如大多数西餐厅咁，但难得地方阔落，枱櫈又唔会话排得好密，加上是夜客人唔算多，所以，感觉喺几舒服悠然。我哋被安排坐晌近窗口位，叫有多少少街景睇吓，感觉又会开扬啲。 而今次所试嘅「细尝咖喱」海鲜套餐分一人及二人份，以泰式手法配以不同嘅香料及海鲜制作出多款美食。温馨一提，上述嘅二人套餐所用嘅海鲜都喺新鲜生猛靓货，故此，需提前1日预订，以确保货源高质，就喺呢个亮点吸引我哋。仲有，经官网eshop订，有9折优惠添。百香果梳打、班兰梳打二人餐本身都包杯特式饮品，我哋对饮品都无特别偏好，所以，就各试一杯。友人就话佢杯百香果梳打好清爽，酸酸香香，衬晒啲咖喱蟹；而小弟所试嘅班兰梳打，外表喺非常抢眼嘅翡翠绿，啜落真喺几重班兰味，又唔会太甜，几舒服。 柚子虾沙律 随特饮一拼送上仲有呢一道经典嘅泰式沙律，除咗泰国金柚、鲜虾，仲有车厘茄、青瓜丝、提子干、炸椰子片，卖
环境方面，始终呢个场主力都喺做自助餐，所以，格局如大多数西餐厅咁，但难得地方阔落，枱櫈又唔会话排得好密，加上是夜客人唔算多，所以，感觉喺几舒服悠然。我哋被安排坐晌近窗口位，叫有多少少街景睇吓，感觉又会开扬啲。
而今次所试嘅「细尝咖喱」海鲜套餐分一人及二人份，以泰式手法配以不同嘅香料及海鲜制作出多款美食。温馨一提，上述嘅二人套餐所用嘅海鲜都喺新鲜生猛靓货，故此，需提前1日预订，以确保货源高质，就喺呢个亮点吸引我哋。仲有，经官网eshop订，有9折优惠添。
百香果梳打、班兰梳打二人餐本身都包杯特式饮品，我哋对饮品都无特别偏好，所以，就各试一杯。友人就话佢杯百香果梳打好清爽，酸酸香香，衬晒啲咖喱蟹；而小弟所试嘅班兰梳打，外表喺非常抢眼嘅翡翠绿，啜落真喺几重班兰味，又唔会太甜，几舒服。
柚子虾沙律 随特饮一拼送上仲有呢一道经典嘅泰式沙律，除咗泰国金柚、鲜虾，仲有车厘茄、青瓜丝、提子干、炸椰子片，卖相做得好靓仔。柚肉拆得大大件、一梳梳，咬落好爆汁，味道清甜，完全无涩味；虾肉口感弹牙，味道鲜甜， 加上调味上加咗啲辣汁，带嚟点点刺激感，叫人越食越醒神，不愧为经典。
柚子虾沙律
56 浏览
0 赞好
0 留言
泰式黄咖喱炒蟹配蒜蓉包 主菜类可以拣炒蟹或者波士顿龙虾，识食嘅当然拣炒蟹啦，绝对有新鲜游水货式嘛。甫打开盖，强劲嘅咖喱香气一涌而出，睇到大大只大肉蟹，货真价实，当夹起只钳已经有种先声夺人嘅感觉，肉蟹鲜甜多汁，蟹味清甜，食得出绝对喺新鲜货色，沾满晒充满香料味嘅黄咖哩，连肉都渗透着阵阵咖喱香，实在非常滋味。
泰式黄咖喱炒蟹配蒜蓉包
46 浏览
0 赞好
0 留言
再讲多少少个黄咖喱，推得好香，却唔会好呛喉、好辣，非常啱我口胃，用嚟配个蒜蓉包，非常搭配。食完晒只蟹，煲底仲有唔少黄咖喱，真想打包拎走，攞返屋企配公仔面食。
马拉盏炒杂菜 马拉盏炒菜唔使讲够晒惹味啦，马拉盏就好似我哋啲虾膏咁，用嚟炒菜真喺好夹，再加埋小小虾干碎，自然无得输。杂菜主要系啲细细棵嘅椰菜仔，咬落去带点爽口感，又有点鲜嫩，同埋食落好够镬气。
菠萝炒饭 另一经典泰式美食就喺菠萝炒饭，原个菠萝登场当然好睇好多，个炒饭内混有唔少虾肉、菠萝粒，以及肉松及腰果，比较意外嘅喺仲有唔少腊肠粒，故此，口感非常丰富，我本身都钟意食腊肠，所以更合口味，再者啲饭粒炒得够爽身，唔油腻，而且，份量好足。
椰汁西米糕、时令生果哗！眼前呢份甜品拼生果唔喺「些牙」嚟食，而喺一人一份架。啲西米糕做得唔错，清爽有咬口，面头嘅椰汁滑溜并满满椰香。生果有哈密瓜、菠萝、西瓜，都喺属于夏天当造嘅多汁水果，再加少少杂莓点缀吓，等今餐饭有个甜蜜嘅结尾。
其实话就话二人餐，但份量个人就觉得3个人都够食，除非你喺极之大食嘅人。综合而言，用料确喺高质，尤其只肉蟹，又大只，又好肉，超级新鲜；而服务方面，非常熨贴，不时帮忙换碟、收拾、递上额外湿纸巾……等等，贯彻番酒店级水平，啲侍应态度又好有礼，所以，整体嘅体验都非常之好，朋友都食得好称心。
张贴
