影片
更多
2013-10-27
1656 浏览
依晚半公半私嚟到马来一食晚饭，其实身体有少少把恙，但自觉问题不太，况且一切已经约定晒，就无谓爽约，因为时下都市人个个都忙到不可开交，小弟份工算叫做hea，但都唔想再约嚟约去咁麻烦。之前已经嚟过两次，所以收工由中环过嚟已经颇熟路，多条巴士路线驶到石塘咀街市落车再行前少少就到盛贸酒店。搭一程扶手电梯先上到酒店大堂，而再搭升降机上一楼就喺马来一，不过小弟就钟意晌大堂尾行楼梯上去，自觉太少做运动嘞，行吓楼梯帮补吓啰！今晚都几早嚟，所以初初睇落唔多客，但越坐越多人，似乎马来一越做越旺，不过由于地方阔落，装潢走简单闲适路线，枱与枱之间保持一定距离，所以，感觉份外悠闲，一啲都唔局促。加上斯文客多，唔会觉得太嘈杂，实在友聚、见客皆可。见到有几款新菜同推介，当然要试吓啦，又加几款之前食过嘅心水菜，咁就够平稳嘞！沙嗲羊肉串烧（6串） $72马来一一向都有卖沙嗲串烧，新推出嘅喺沙嗲羊肉串烧，可惜是晚羊肉串烧沽清，只好退二求其次，点番上之嘅鸡肉同牛肉串烧。3串鸡、3串牛，伴以饭糕、青瓜、生洋葱，很地道，当然「灵魂」马来沙嗲唔少得，串烧焦香惹味，见大厨出嚟枱枱问意见，小弟梗多口问两句，原来串烧喺用日本玻璃发热管
今晚都几早嚟，所以初初睇落唔多客，但越坐越多人，似乎马来一越做越旺，不过由于地方阔落，装潢走简单闲适路线，枱与枱之间保持一定距离，所以，感觉份外悠闲，一啲都唔局促。加上斯文客多，唔会觉得太嘈杂，实在友聚、见客皆可。
见到有几款新菜同推介，当然要试吓啦，又加几款之前食过嘅心水菜，咁就够平稳嘞！
沙嗲羊肉串烧（6串） $72马来一一向都有卖沙嗲串烧，新推出嘅喺沙嗲羊肉串烧，可惜是晚羊肉串烧沽清，只好退二求其次，点番上之嘅鸡肉同牛肉串烧。3串鸡、3串牛，伴以饭糕、青瓜、生洋葱，很地道，当然「灵魂」马来沙嗲唔少得，串烧焦香惹味，见大厨出嚟枱枱问意见，小弟梗多口问两句，原来串烧喺用日本玻璃发热管烤炉，特点喺温度比普通烤炉高，出嚟嘅效果喺肉嫩有焦香，真喺想入厨房见识吓依部几万银嘅烤炉。此外，沙嗲浓郁香甜，花生香特别重，一啖肉一啖青瓜洋葱中和吓，不过啲饭糕我就麻麻。
咖哩香叶炒茄子 $45第一次嚟试菜就遇上依碟炒茄子，印象深刻，所以都「专灯」翻兜介绍俾朋友。今次再食，水准依然，茄子入口如豆腐，口感非常嫩滑，外层脆浆做得够晒薄，而以香蒜、葱粒、咖喱叶爆炒，甘香惹味，最有心思洒上大量炸虾干，添多几分卜卜脆口感。
咸鱼炒芽菜 $56新菜式之一，爽脆嘅本地芽菜，入口真喺多汁清爽，而揾咸鱼炒理应做到咸鲜咩更突出，不过，咸鱼可能重手咗，个人觉得过咸少少。另外，大厨话可惜啲怡保芽菜未返，否则仲特别㖞，希望有机会见识一下怡保芽菜喺点样！
椰浆饭拼盘 $82椰浆饭又喺小弟另一心水推介，一份椰浆饭拼盘其实好丰富，配菜有炸鸡、花生粒、炸江鱼仔、青瓜及流心荷包蛋，仲伴有一小碟既香且辣自家制嘅参巴酱，而饭中渗出嘅椰香极之浓郁，食落啖啖椰香，兼且饭粒软熟，捞埋花生粒同埋江鱼仔，沟少少蛋浆，下啲参巴酱，有口感，有层次。用番上次对依个「碟头饭」嘅总结，就喺饭香、料足、味好，点会唔再推介先得吖，不过，至紧要朋友都赞好食，仲话超赞㖞，哈哈，总算无推介错。
槟城亚参喇沙 $82食完个浓香嘅椰浆饭，嚟个酸香嘅喇沙就最好不过，槟城亚参喇沙都算喺依度几多招牌嘅面食之一。其实单睇碗喇沙个卖相都几马拉特色，碗面放有一堆新鲜菠萝肉、青瓜丝、洋葱丝、薄菏叶，不过最大亮点喺个汤头，以细鲛鱼拆肉嚟熬制个汤底，再加入亚参（一种热带果实：罗望子）及多种香料，鲜得嚟有种清爽嘅酸香，又带点点辣，颇醒胃，配以滑嘟嘟嘅米线，真喺唔错，最后就梗喺一滴汤都唔放过啦！
马来巴东牛肉 $88甚少食印尼菜，所以对嚟自印尼嘅巴东牛肉比较陌生，不过晌马来西亚同新加坡都好盛行依道菜。眼前「乌瘁瘁」嘅牛肉，肉质好腍好松化，望真啲原来喺牛展肉，以多种香料混合焖煮，所以感受到好复杂多变嘅香料味，令个辣味唔单一，又渗有浓郁椰奶香，牛展肉十分入味，所以食得人好滋味。依家马来一有提供印度薄饼，由于啲酱汁比较杰身，所以个人觉得用薄饼嚟蘸酱汁较用嚟捞饭效果好啲。
接近尾声，又喺轮到甜品时间，榴梿布丁不知不觉成为必然正选，此外多咗两款新嘢「清汤」、「刨冰」，因为前者可以喺热食，所以拣咗佢，而喉咙仲有啲咳，刨冰就留番有机会先再试；再加埋一直都未有晌度试过嘅咖央多士，就成为最后嘅甜品三剑侠。清汤 $32
名字好普通，但材料好丰富嘅大马糖水，亦喺新推出嘅产品。糖水底以桂圆肉煮，质地有啲似食西米露有少少杰身，而糖水内有莲子、银杏、洋薏米、蕃薯、大菜、珍珠西米、糖冬瓜、柿饼、胖大海，可以写到咁细致咪当喺鳝稿，只喺人哋个介绍牌有写晒。冻食、热食都得，口感挺润，唔太甜，几适合秋冬天食，虽然材料上几有特色，不过咁嘅组合个人觉唔算太啱自己口味啫。题外话，胖大海喺乜？我都第一次听，晌维基摷摷，原来喺种生长于越南、印度、马来西亚等地嘅植物，晒干用，好处有清热润肺，利咽解毒，润肠通便，有利于肺热声哑，干咳无痰，咽喉干痛，头痛目赤，都几犀利咁㖞，所以个「清汤」唔睇得都打得。
榴梿布丁 $38以前因为依个甜品唔喺马来西亚嘢，所以一路无放入餐牌，依家，卒之晌餐牌出现喇。以猫山王榴梿果肉打造，所以榴梿味极之浓郁喺必然，啖啖榴梿飘香，加入忌廉同鱼胶份量恰到好处，所以布丁质感挺身而软滑，值得食完再食。
咖央多士 $22之前两次嚟都未有机会试，今匀点都要叫番一客。面包烘得香脆，内里所夹嘅咖央好香椰子味，细心嗒落又慢慢渗出幽幽嘅班兰香，而且落咖央亦都好阔佬，极体又真喺几好食。
饱餐一顿，喺咪再计划吓再去一转大马呢？实在有点怀念当地露天「大排档」嘅美食！
张贴
