麥奀雲吞麵世家 (白加士街)

营业中

休息中

见佐敦白加士街麦文大排长龙，即管行过隔离两铺~麦奀试吓。面上台，摆法正常。先试汤，扎实大地鱼味，清，无杂味，浓淡亦刚好。夹起面入口，爽口，软硬岩好，一定唔系手工竹升面质感，但亦比一般工场货高质好多。食得出系新鲜面嚟。爬开面见云吞响底，细粒全虾云吞系麦奀特色。入口咬开，皮滑，虾肉的确十分弹牙爽口，味亦够，但口底胡椒粉味重，似乎佢可能落多咗少少。最后一试韭黄，生熟刚好亦重味，再一次系新鲜嘅感觉。严测简评：整体稳阵, 亦看得出细微位既功架。加上呢碗45蚊碗细蓉有比正宗细蓉略多既份量，其实响而家呢个市道可以话系抵食。