影片
更多
2014-06-19
7800 浏览
嚟到isquare，想食西餐，就走上嚟试吓。。想试呢间好耐，睇食评有赞有弹，咁我就亲身试试佢。。11点50分嚟到门口，原来佢哋系12点先开始营业，咁门口位小姐好细心咁叫我等等，到咗12点，佢好有礼貌咁带我入座，俾咗个近自助bar嘅位置我，其实我想睇景多啲，不过唔紧要啦，我都系想试吓食物质素啫，当然有景观就更加好啦。。坐低就即刻有侍应送餐牌，再细心解释当日午餐款式，我叫咗鱼，再叫佢帮我拣杯白酒，我讲完之后，就走咗去自助bar度拣沙律啦。。沙律嚟讲，佢都算好多款式，风干肉同冻肉都有几款，尢其沙律菜，食得出好爽脆好甜，我食食吓嘅时候，仲听到隔离枱位女士同佢朋友讲"呢啲沙律菜好甜好脆，剩系食沙律菜都值回票价。。"讲真，我都相当同意呢位女士讲嘅嘢架。。因为真系好好食。。当我攞完沙律返嚟，枱面已经有杯白酒，隔咗阵，有位靓仔哥哥行埋嚟同我讲解杯白酒产地，再解释呢款白酒配上我点嘅鱼，系一流嘅。。我攞第二转沙律嘅时候，攞咗啲捞哂酱嘅薯仔沙律同螺丝粉之类。。呢转就比较失望了，薯仔烚得唔透，居然系爽口。。螺丝粉就无咩味。。到饮佢哋嘅甘笋汤，其实我一向对甘笋无咩兴趣，但呢个汤令我行出去攞咗两次。。超好饮。。到
11点50分嚟到门口，原来佢哋系12点先开始营业，咁门口位小姐好细心咁叫我等等，到咗12点，佢好有礼貌咁带我入座，俾咗个近自助bar嘅位置我，其实我想睇景多啲，不过唔紧要啦，我都系想试吓食物质素啫，当然有景观就更加好啦。。
坐低就即刻有侍应送餐牌，再细心解释当日午餐款式，我叫咗鱼，再叫佢帮我拣杯白酒，我讲完之后，就走咗去自助bar度拣沙律啦。。沙律嚟讲，佢都算好多款式，风干肉同冻肉都有几款，尢其沙律菜，食得出好爽脆好甜，我食食吓嘅时候，仲听到隔离枱位女士同佢朋友讲"呢啲沙律菜好甜好脆，剩系食沙律菜都值回票价。。"讲真，我都相当同意呢位女士讲嘅嘢架。。因为真系好好食。。
当我攞完沙律返嚟，枱面已经有杯白酒，隔咗阵，有位靓仔哥哥行埋嚟同我讲解杯白酒产地，再解释呢款白酒配上我点嘅鱼，系一流嘅。。
我攞第二转沙律嘅时候，攞咗啲捞哂酱嘅薯仔沙律同螺丝粉之类。。呢转就比较失望了，薯仔烚得唔透，居然系爽口。。螺丝粉就无咩味。。
到饮佢哋嘅甘笋汤，其实我一向对甘笋无咩兴趣，但呢个汤令我行出去攞咗两次。。超好饮。。
到我点嘅主菜啦，当我食完沙律，我就叫佢哋可以上主菜，大约10至15分钟左右，主菜嚟到，靓仔哥哥再细心向我解释主菜嘅煮法同配嘅汁，等我再对呢个菜有更多认识。。good
呢个鱼送到上嚟热辣辣，外面层鱼皮脆，肉质软熟，真正外脆内软，好好味。。配埋个云呢拿汁，原来又几好味㖞。。食完都唔觉漏。。赞
到甜品。。款式唔算多，但每款精致，味道唔错，同五星酒店相比，佢都可以有同级分数。。
到埋单时，都只系三百多元。。真系相当好。。我一定会再嚟。。下次我会试夜晚嚟呢度，想睇埋景观呢。。
张贴
