泰苑小食

营业中

休息中

好耐无食泰国菜，再黎食泰苑，觉得人流少左，野食细碟左，但味道仍然几好。蒜蓉辣椒青柠蒸乌头：好多蒜蓉，唔会好辣，成个汁酸甜好清爽，鱼肉又新鲜又鲜味。青木瓜沙律：酸辣酱汁加埋爽口既青木瓜好配合。串烧 (鸡/ 牛/ 猪)：烧后仍保留肉汁，最好味系猪肉。铁板蚝仔饼：湿湿地，保留番蚝仔既鲜味，好正！泰式炒鱼肚：有几种配菜，炒得好香又野味，估唔到呢个菜甘正。红酒鸡：酸酸甜甜也有红酒香味，鸡炸过但唔会干争争。咖哩鱼：咖哩香浓、辣度适中，但鱼块既炸粉太厚身。蒜蓉包：面包外脆内软，点咖哩酱食好好味。马拉盏炒通菜：马拉盏好香，通菜炒得太淰，份量也太少！竽头焗饭：焗饭入味好香，略为油腻左d。生虾：虾肉唔够冻又唔弹牙。原本只系要左 8 个菜，但都好细碟，所以再点多左几碟又 encore 番好味既菜，我觉得无以前甘抵食。